Si Bangsî sa Silong ng Bahaghari ay kuwento ng isang batang isdang lumilipad na nangangarap na malampasan ang naitalang rekord ng kaniyang lolo sa pinakamahabang paglipad sa hangin. Ngunit nang biglang lumitaw ang isang mapanganib na bahaghari sa ibabaw ng kanilang pamayanan, unti-unting naglaho ang kanyang pananabik—nauwi ito sa pagkainis at pagkaburyo. Saan kaya dadalhin si Bangsî ng kaniyang kagustuhang maging pinakamagaling?