Ang makasaksi ng isang karumal-dumal na krimen ang huling iisipin ni Dalisay, isang in-demand GRO. Pero tila siya itinudla sa isang mala-teleseryeng pangyayari nang makita niya kung paano katayin ang isang lalaki sa talahiban. Pero nakita din pala siya ng killer na naroroon sa crime scene kaya hinabol siya nito hanggang sa kalapit na sementeryo. Mabuti na lang, may nakaparadang pickup truck doon. Sumampa siya roon at nagtago. Sa pag-aakalang nasundan siya ng killer ay sumiksik siya loob ng truck bed. Pero hindi si Mr. Criminal Mind ang bumungad sa kanya kundi si Mr. Laurendo Oro, ang may-ari ng sasakyan. Pogi, balbas-sarado at maskulado pa yata kay Iron Man. Ano raw ang ginagawa niya roon ng dis-oras ng gabi?