Ang nakaraan ay malaking bahagi ng kasalukuyan at
hinaharap. Hindi na mapapalitan at sa alaala na lamang
mababalikan. Hindi na mababago ngunit maaaring gumawa
ng bago—mga bagong alaala na maidadagdag sa habambuhay.
Mababasa sa aklat na ito ang walong maikling kuwento na
makapagbabalik sa nakaraan—sa malulungkot na alaalang nais
baguhin subalit may natutuhang aral na bumago ng pagkatao,
sa masasayang alaalang nais ipagpatuloy subalit hindi na
magaganap.
Ang mga alaalang ito ay maaaring nakalimutan ng isip ngunit
nakaukit sa puso. Hayaan ang isip at puso na balikan ang
mga alaala sapagkat ang mga ito ay hindi maiiwasan at hindi
maipagkakailang patuloy na magbibigay ng inspirasyon at
pag-asa habambuhay.